აბაშის მუნიციპალიტეტის სოფელ გაუწყინარის საჯარო სკოლაში მოსწავლეთა ინტელექტუალური და ანალიტიკური უნარების განვითარებას უდიდესი ყურადღება ექცევა. ამ მიზნით, დირექცია და პედაგოგები მოსწავლეებს მრავალფეროვან ღონისძიებებს, აქტივობებს თუ კონკურსებს სთავაზობენ.
ამჯერად, გაუწყინარის საჯარო სკოლაში, ისტორიის პედაგოგმა. მერაბ თოფურიამ, ინტელექტუალური თამაში - „რა? სად? როდის?“ ჩაატარა.
თამაშში VI, VII და VIII კლასის მოსწავლეები მონაწილეობდნენ.
როგორც სკოლაში გვიყვებიან, თამაში ძალიან საინტერესოდ წარიმართა, მოსწავლეებმა შესანიშნავად გამოავლინეს საკუთარი შესაძლებლობები, სამივე კლასმა ძალიან კარგი თამაში აჩვენა. დაძაბულ თამაშში გამარჯვება, VIII კლასის მოსწავლეებმა მოიპოვეს.
„წარმატებებს ვუსურვებთ მოსწავლეებს მომავალში“,- აღნიშნავენ სკოლაში.
იხილეთ ფოტოები:
