განათლების ხარისხის ეროვნულმა ცენტრმა ზოგადი განათლების საგნობრივი ექსპერტები უკვე შეარჩია.

კონკურსის შედეგად შერჩეულმა პირებმა უკვე მიიღეს შეტყობინება ცენტრის გადაწყვეტილებასთან დაკავშირებით.

„მადლობას გიხდით განათლების ხარისხის ეროვნული ცენტრის ზოგადი განათლების ხარისხის უზრუნველყოფის საგნობრივ ექსპერტთა შესარჩევ კონკურსში მონაწილეობისთვის.

გაცნობებთ, რომ გასაუბრების შედეგების გათვალისწინებით, თქვენი კანდიდატურა შეირჩა ცენტრის ზოგადი განათლების ხარისხის უზრუნველყოფის საგნობრივი ექსპერტის თანამდებობაზე. გისურვებთ შემდგომ წარმატებას“, - ნათქვამია შეტყობინებაში, რომელიც შერჩეულმა კანდიდატებმა მიიღეს.

საგნობრივი ექსპერტები შეირჩა შემდეგი ჯგუფების მიხედვით:

ა) სახელმწიფო ენა;
ბ) მათემატიკა;
გ) უცხოური ენები;
დ) საზოგადოებრივი მეცნიერებები;
ე) საბუნებისმეტყველო მეცნიერებები;
ვ) ტექნოლოგიები;
ზ) ესთეტიკური აღზრდა;
თ) სპორტი;
ი) ზოგადი განათლების დაწყებითი საფეხური