კარდენახის საჯარო სკოლის მოსწავლეები საგანმანათლებლო კონკურსებში მიღწეული წარმატებებისთვის დაჯილდოვდნენ
17-10-2022
გურჯაანის მუნიციპალიტეტის სოფელ კარდენახის საჯარო სკოლის მოსწავლეები სხვადასხვა საგანმანათლებლო კონკურსებში აქტიურად და წარმატებით მონაწილეობენ.
ამჯერად, მშობლიური სკოლა მე-8 კლასის მოსწავლემ, ბარბარე ბერიძემ ასახელა.
ბარბარე, USAD-ის სამოქალაქო განათლების პროგრამის ფარგლებში გამოცხადებულ კონკურსში - „რატომ მინდა ევროპა“ საუკეთესო პოსტერის დამზადებისთვის დაჯილდოვდა.
ამავე კონკურსში აქტიური მონაწილეობისთვის სერტიფიკატები მე-10 კლასის მოსწავლეებს - ანანო გულაშვილს და ანანო ქიტოშვილს გადაეცათ.
ბარბარე ბერიძე და მარიამ სესიაშვილი ასევე დაჯილდოვდნენ ილიას სახელმწიფო უნივერსიტეტის მიერ ორგანიზებულ ტრენინგ პროგრამაში - „თანამედროვე ტექნოლოგიური პროფესიები“ გამარჯვებული პროექტისათვის; ამავე ტრენინგ პროგრამაში აქტიური მონაწილეობისთვის დაჯილდოვდა მე-9 კლასის მოსწავლე მარია ბერიძე.
„წარმატებები ჩვენი სკოლის მოსწავლეებს და სამოქალაქო განათლების მასწავლებელს, ქეთევან ჭიღლაძეს. ვამაყობთ თქვენით!“, - ამბობენ სკოლაში.
პროგრამა მომავალი პირველკლასელებისთვის გათვლილია ივლისისა და აგვისტოს თვეებზე და მორგებულია იმგვარად, რომ საზაფხულო დასვენების გეგმების ცვლილების გარეშე, ოჯახის წევრების ჩართულობით, შეძლოს