გიზო წულაიას სახელობის მარტვილის მუნიციპალიტეტის სოფელ გაჭედილის საჯარო სკოლაში მოსწავლეებში სპორტისა და ჯანსაღი ცხოვრების წესის პოპულარიზაციას უდიდესი ყურადღება ექცევა. ამ მიზნით, სკოლის დირექცია და პედაგოგები მოსწავლეებს მრავალფეროვან აქტივობებსა და ღონისძიებებს სთავაზობენ. 

ამჯერად სკოლაში სასკოლო სპორტული კვირეული გაიმართა. 23 სექტემბერს, კვირეული სპორტულ-გასართობი შეჯიბრით - „მხიარული სტარტები“ გაიხსნა. 24 სექტემბერს ჩატარდა შეჯიბრი მინი ფეხბურთში, 25 სექტემბერს კი მოსწავლეები ერთმანეთს 3x3 კალათბურთსა და მაგიდის ჩოგბურთში შეეჯიბრნენ. 26 სექტემბერი კი ფრენბურთს დაეთმო. 

სკოლის მოსწავლეებმა დაგეგმილ ღონისძიებებში აქტიური მონაწილეობა მიიღეს და შესაძლებლობები წარმოაჩინეს.

იხილეთ ფოტოები: