„მასწავლებელი ცოდნის ლამპარი“ - შთამბეჭდავი საზეიმო ღონისძიება წალენჯიხის N5 საჯარო სკოლაში
11-10-2022
წალენჯიხის N5 საჯარო სკოლაში მასწავლებლის საერთაშორისო დღე საზეიმოდ აღინიშნა.
ქართული ენისა და ლიტერატურის კათედრამ ამ დღისადმი მიძღვნილი ღონისძიება- „მასწავლებელი ცოდნის ლამპარი“ მოაწყო.
მოსწავლეებმა მორთეს სააქტო დარბაზი, კედლის გაზეთის სპეციალური ნომერი გამოსცეს და ეს დღე სიმღერით, ლექსებითა და ცეკვებით გაულამაზეს საყვარელ მასწავლებლებს.
მასწავლებლის საერთაშორისო დღეს მსოფლიოს 100-ზე მეტ ქვეყანაში აღნიშნავენ. ამ თარიღის აღნიშვნა სათავეს 1994 წლის 5 ოქტომბრიდან იღებს. მისი საერთშორისო დღედ დაწესების იდეა რამდენიმე პედაგოგიურ ორგანიზაციას ეკუთვნის.
იხილეთ ფოტოები:
სკოლების სიახლეები
