ბათუმის N8 საჯარო სკოლაში მოსწავლის ინტერესებზე მორგებული, მრავალფეროვანი სასწავლო გარემოა შექმნილი. სკოლის პედაგოგები მომავალ თაობას საინტერესო საგანმანათლებლო ღონისძიებებსა თუ პროექტებს სთავაზობენ და სხვადასხვა სასწავლო რესურსებს აწვდიან. მოსწავლეებიც ხალისითა და ინტერესით არიან ჩართულნი საგანმანათლებლო პროცესში და ცოდნისა და ნიჭის წარმოჩენას ცდილობენ.
ამჯერად, სკოლაში საინტერესო პროექტი - „პროფესია -მასწავლებელი“ განხორციელდა. პროექტზე IXბ კლასის მოსწავლეებმა იმუშავეს. IXბ კლასის სადამრიგებლო პროექტი, კლასის მაქსიმალური ჩართულობით წარიმართა. მოსწავლეებმა მოამზადეს ძალიან სასიამოვნო და საინტერესო ვიდეორეპორტაჟი, ამ პროფესიის ხიბლსა და უნიკალურობაზე.
პროექტს ხელმძღვანელობდნენ ძალიან გონიერი და პოზიტიური გოგონები იზი შარაბიძე და ნინი დიასამიძე.
IXბ კლასის დამრიგებელი ია ბლაგიძე გახლავთ.
ია ბლაგიძე კოლეგებს პროფესიულ დღესასწაულს კიდევ ერთხელ ულოცავს, სადამრიგებლო კლასის მოსწავლეებს კი საინტერესო მუშაობისთვის მადლობას უხდის.
„გილოცავთ პედაგოგებო, წარმატებულ და მომღიმარ მოსწავლეებს ვისურვებ ჩვენს გარშემო. მადლობა ჩემს საიმედო გუნდს“,- აღნიშნავს პედაგოგი ია ბლაგიძე.
იხილეთ ფოტოები:
