ტყიბულის N6 საჯარო სკოლაში მასწავლებლის საერთაშორისო დღე საინტერესოდ აღინიშნა.
მოსწავლეებმა პედაგოგებს პროფესიული დღე მიულოცეს და ღვაწლსა და ამაგისთვის მადლობა გადაუხადეს.
განსაკუთრებული იყო Iა კლასის მოსწავლეთა მილოცვა. პატარებმა სკოლის დერეფანში ფლეშმობი მოაწყვეს, შეასრულეს სიმღერა მასწავლებელზე და ყველა პედაგოგს ვარდები მიართვეს.
აღსანიშნავია, რომ პირველკლასელებმა სიურპრიზი დამრიგებლის, ლია ბარბაქაძის ხელმძღვანელობით დაგეგმეს.
მასწავლებელთა საერთაშორისო დღე 5 ოქტომბერს აღინიშნება. ამ დღის აღნიშვნა სათავეს 1994 წლის 5 ოქტომბრიდან იღებს.
თუმცა, მანამდე, 1966 წლის 5 ოქტომბერს, იუნესკოსა და შრომის საერთაშორისო ორგანიზაციის მიერ მოწვეულ კონფერენციაზე, შემუშავდა რეკომენდაცია „მასწავლებელთა მდგომარეობის შესახებ“ - ეს იყო პირველი საერთაშორისო დოკუმენტი, რომელიც მასწავლებელთა შრომის პირობებს განსაზღვრავდა.
იხილეთ ფოტოები:
