წალკის მუნიციპალიტეტის სოფელ საბეჭისის საჯარო სკოლაში მასწავლებლის საერთაშორისო დღე საზეიმოდ აღინიშნა.
დაწყებითი კლასის მოსწავლეებმა პედაგოგებს პროფესიული დღე ლექსებით მიულოცეს და მათი ხელით დამზადებული მისალოცი ბარათები გადასცეს. (ღონისძიების ორგანიზატორი ნ.ხოზრევანიძე).
აღსანიშნავია, რომ საბეჭისის საჯარო სკოლის პედაგოგები კეთილშობილურ მისიას სიხარულით ასრულებენ და ქვეყანას არაერთი ღირსეული თაობა აღუზარდეს.
მასწავლებელთა საერთაშორისო დღე 5 ოქტომბერს აღინიშნება. ამ დღის აღნიშვნა სათავეს 1994 წლის 5 ოქტომბრიდან იღებს.
თუმცა, მანამდე, 1966 წლის 5 ოქტომბერს, იუნესკოსა და შრომის საერთაშორისო ორგანიზაციის მიერ მოწვეულ კონფერენციაზე, შემუშავდა რეკომენდაცია „მასწავლებელთა მდგომარეობის შესახებ“ - ეს იყო პირველი საერთაშორისო დოკუმენტი, რომელიც მასწავლებელთა შრომის პირობებს განსაზღვრავდა.
იხილეთ ფოტოები:
