იხტილის საჯარო სკოლის პირველკლასელებმა მასწავლებლის დღეს ღონისძიება მიუძღვნეს
05-10-2022
ახალქალაქის მუნიციპალიტეტის სოფელ იხტილის საჯარო სკოლის პირველკლასელებმა, პედაგოგ გოარ თოროსიანის ხელმძღვანელობით, მასწავლებლის საერთაშორისო დღესთან დაკავშირებით, ღონისძიება გამართეს.
პირველკლასელებმა თემატური ლექსები წაიკითხეს და პედაგოგებს პროფესიული დღე დიდი ზარ-ზეიმით მიულოცეს. პირველ მასწავლებელს კი შრომისა და ამაგისთვის მადლობა გადაუხადეს.
აღსანიშნავია, რომ მოსწავლეები ღონისძიებაში ხალისითა და ინტერესით ჩაერთნენ და შემოქმედებითი ნიჭი და შესაძლებლობები წარმოაჩინეს.
მასწავლებლის დღე 28 წლის წინ - 1994 წელს იუნესკოსა და შრომის საერთაშორისო ორგანიზაციის წყალობით დაარსდა. წინაპირობა გახდა დოკუმენტი მასწავლებელთა სოციალური სტატუსის შესახებ, რომელსაც ხელი პარიზში მოეწერა.
იხილეთ ფოტოები:
სკოლების სიახლეები
