
ტყიბულის მუნიციპალიტეტის სოფელ საწირის საჯარო სკოლის ვაჟთა გუნდმა სასკოლო სპორტულ ოლიმპიადაზე, გეზრბენში წარმატებით იასპარეზა.
ევროპის სასკოლო სპორტის დღეს, ტყიბულში, სპორტის სასახლეში, სასკოლო სპორტული ოლიმპიადა 2022-2023 -(გეზრბენი) საზეიმოდ გაიხსნა. ოლიმპიადაში საწირის საჯარო სკოლის ვაჟთა გუნდი აქტიურად ჩაერთო. მოსწავლეებმა საპრიზო ადგილიც დაიმსახურეს.
დაჯილდოვდნენ მასობრივ გარბენში გამოვლენილი გამარჯვებულები. დაჯილდოების ცერემონიალი ღია სივრცეში მოეწყო.
აღსანიშნავია, რომ სასკოლო სპორტული ოლიმპიადის მუნიციპალური ეტაპი რამდენიმე თვის განმავლობაში, ცხრა სხვადასხვა სახეობაში გაიმართება.
ოლიმპიადაზე სკოლა ასახელეს:
1.ლევან ცნობილაძემ ( I ადგილი);
2.ნიკა ჭანტურიძემ;
3.გიგი გელაძემ;
4.შაქრო ქარქაშაძემ;
5.ნიკოლოზ გელაძემ;
6.ლუკა ქაშიბაძემ.
მოსწავლეთა სპორტის პედაგოგი გიორგი ბასილაძე გახლავთ.
სკოლაში მოსწავლეთა წარმატება ახარებთ და წინსვლას უსურვებენ.
„ვულოცავთ ჩვენს მოსწავლეებს და მათი სპორტის მასწავლებელს, გიორგი ბასილაძეს, მიღწეულ წარმატებას!წარმატებები ჩვენს გუნდს!“,- ვკითხულობთ მისალოც წერილში.
იხილეთ ფოტოები: