ეშტიის N2 სკოლის მოსწავლეები პოლიციელის საქმიანობას გაეცნენ
05-10-2022
ნინოწმინდის მუნიციპალიტეტის სოფელ ეშტიის N2 საჯარო სკოლაში პროექტის - „სამართლებრივი კულტურა“ ფარგლებში, პოლიციელებთან პირველი საინფორმაციო შეხვედრა გაიმართა.
შეხვედრის მიზანი იყო მოსწავლეებისთვის პოლიციელის საქმიანობის გაცნობა და ბავშვების ცოდნის შემოწმება. ბავშვებმა მოამზადეს პლაკატები ბავშვთა უფლებების შესახებ, აქტიურად ჩაერთნენ კითხვა-პასუხის რეჟიმში და მათთვის საინტერესო კითხვებზე ამომწურავი პასუხები მიიღეს.
პოლიციელმა ბავშვებს ძალიან საინტერესო თამაში შესთავაზა. მოსწავლეებმა ახალი ცოდნა თამაშ-თამაშით შეიძინეს.
„ძალიან საინტერესო და შთამბეჭდავი შეხვედრა იყო“,- გვიყვებიან სკოლაში.
იხილეთ ფოტოები და ვიდეო:
სკოლების სიახლეები
