თბილისის N2 საჯარო სკოლაში მოსწავლეებისთვის მუდამ საინტერესო და მრავალფეროვანი სასწავლო გარემოა შექმნილი. დირექციისა და პედაგოგების ხელშეწყობით ბავშვები სხვადასხვა შემეცნებით თუ გასართობ ღონისძიებებში ხშირად მონაწილეობენ.
1 ოქტომბერს, VII და X კლასების მოსწავლეები ილიას სახელმწიფო უნივერსიტეტის მიერ ორგანიზებულ - „ილიაუნის სამეცნიერო პიკნიკი - 2022“-ზე იმყოფებოდნენ.
მოსწავლეებმა ილიას სახელმწიფო უნივერსიტეტის ეზოში 40-მდე სამეცნიერო თემატიკის სივრცე დაათვალიერეს.
პიკნიკის მიზანი იყო მეცნიერების პოპულარიზაცია ნებისმიერი ასაკის დამთვალიერებლებისთვის თანამედროვე მეცნიერების მიღწევების სახალისო და საინტერესო ფორმით.
აღსანიშნავია, რომ მოსწავლეები სამეცნიერო პიკნიკს ისტორიის პედაგოგის, თინათინ ხეჩიკოვას ხელმძღვანელობით სტუმრობდნენ.
იხილეთ ფოტოები: