ჩხოროწყუს მუნიციპალიტეტის მუხურის თემის საჯარო სკოლაში სასწავლო წელი საზეიმო ვითარებაში დაიწყო.
გაიმართა ღონისძიება, სადაც სწავლის დაწყება ერთმანეთს დირექტორმა, პედაგოგებმა და მოსწავლეებმა მიულოცეს. გარდა ამისა, წარჩინებულ მოსწავლეებს სიგელები, ხოლო პირველკლასელებს კუთვნილი კომპიუტერები გადაეცათ.
დირექტორმა ყველას ნაყოფიერი და წარმატებებით აღსავსე სასწავლო წელი უსურვა.
სკოლაში საქართველოს დროშა აღმართეს და სახელმწიფო ჰიმნი გააჟღერეს. მოსწავლეებმა სასწავლო წელი უდიდესი შემართებითა და ხალისით დაიწყეს. მათ სკოლის კარი ჟრიამულითა და ენთუზიაზმით შეაღეს.
აღსანიშნავია, რომ მასწავლებლები მოსწავლეების დასახვედრად განსაკუთრებულად და დიდი სიყვარულით მოემზადნენ. მათ საკლასო ოთახები მორთეს და პატარებს საზეიმო განწყობა შეუქმნეს. ისინი მონატრებულ მოსწავლეებს სულმოუთქმელად ელოდნენ.
იხილეთ ფოტოები:
