იოსებ ოცხელის სახელობის ქუთაისის N2 სკოლის მოსწავლეებმა დიდი ქართველი პედაგოგის ხსოვნას პატივი მიაგეს
იოსებ ოცხელის სახელობის ქუთაისის N2 საჯარო სკოლის მოსწავლეებმა 29 სექტემბერს, გამოჩენილი მამულიშვილის, იოსებ ოცხელის დაბადების დღე აღნიშნეს.
სკოლა სწორედ ამ უდიდესი ქართველი პედაგოგის და საზოგადო მოღვაწის სახელს ატარებს, შესაბამისად მისი დაბადების თარიღი სკოლისთვის მეტად მნიშვნელოვანი მოვლენაა.
მოსწავლეები ტრადიციულად ქუთაისის პანთეონში, იოსებ ოცხელის საფლავზე შეიკრიბნენ, ღირსეული მამულიშვილის ნათელ ხსოვნას პატივი მიაგეს და საზეიმო ფიცი დადეს.
სკოლის დირექცია საქართველოს პედაგოგიურ საზოგადოებას ულოცავს ამ უმნიშვნელოვანეს თარიღს.
იხილეთ ფოტოები: