წალკის მუნიციპალიტეტის სოფელ ბარეთის საჯარო სკოლაში სხვადასხვა საინტერესო პროექტები თუ აქტივობები ხშირად ტარდება.

ამჯერად, სკოლაში მეტად საინტერესო პროექტის - „რა არის სოციალური უფლებები“ ფარგლებში სხვადასხვა აქტივობა გაიმართა.

განხორციელებული ღონისძიებების შესახებ სკოლა მეტ დეტალურ ინფორმაციას ავრცელებს:

„ჩავატარეთ შემდეგი აქტივობები:

• საინფორმაციო შეხვედრა სოციალური უფლებების შესახებ;
• გავეცანით Enter რეკომენდაციებს
• მონაწილეობა მივიღეთ ამ თემატიკაზე მომზადებულ სიმულაციაში step forward.
• ვითამაშეთ „დიგნითილენდი“- ევროსაბჭოს ორგანიზებით მომზადებული სამაგიდო თამაში ახალგაზრდებისთის სოციალური უფლებების გასაცნობად. აღნიშნული თამაშის გამოყენება შესაძლებელია ფორმალურ სასწავლო გარემოში, სოციალური უფლებების სფეროში რეალობის, პოლიტიკისა და განვითარებული მოვლენების კრიტიკულად შესწავლის მიზნით.

პროგრამის მხარდამჭერები არიან: ბარეთის საჯარო სკოლა, ევროსაბჭოს ევროპის ახალგაზრდული ფონდი, არასამთავრობო ორგანიზაცია „ამბრელა“;

აქტივობები ჩატარდა ორგანიზაცია „ამბრელას“ პროექტის - „რა არის სოციალური უფლებები?“ ფარგლებში, რომლის მხარდამჭერია ევროპის საბჭოს ახალგაზრდული ფონდი იყო“, - ვკითხულობთ სკოლის მიერ გავრცელებულ ინფორმაციაში.