გურჯაანის N2 საჯარო სკოლის დირექციამ ახალი სასწავლო წლის დაწყებასთან დაკავშირებით მოსწავლეებს საზეიმო დახვედრა მოუწყო.
სკოლის დირექტორმა, ლია გუგულაშვილმა და პედაგოგებმა მოსწავლეებს სწავლის დაწყება მიულოცეს და წარმატებული წელი უსურვეს. მასწავლებლებმა განსაკუთრებით იზრუნეს პირველკლასელთა განწყობასა და მოტივაციაზე. სკოლაში საქართველოს სახელმწიფო ჰიმნის თანხლებით აღიმართა სახელმწიფო დროშა.
სკოლის დირექტორი სასკოლო საზოგადოებას სასწავლო პროცესის განახლებას კიდევ ერთხელ ულოცავს.
„ჩვენთან დიდი ჟრიამულია, მოუთმენლად ველოდით თქვენთან შეხვედრას. წარმატებულ და ნაყოფიერ სასწავლო წელს გისურვებთ“,- ვკითხულობთ მისალოც წერილში.
აღსანიშნავია, რომ წელს სასწავლო პროცესი გაუმჯობესებული ეპიდემიოლოგიური მდგომარეობის ფონზე განახლდა. გურჯაანის N2 საჯარო სკოლა მოსწავლეებისთვის ჯანსაღი და უსაფრთხო საგანმანათლებლო გარემოს უზრუნველსაყოფად საჭირო რესურსებითა და ინვენტარით არის აღჭურვილი.
იხილეთ ფოტოები:
