„გილოცავთ, ღირსეული შვილები ყოფილიყავით ჩვენი თვალხატულა სამშობლოსი!“ - ჭრებალოს საჯარო სკოლის 14-ვე აბიტურიენტი სტუდენტი გახდა
02-09-2022
ამბროლაურის მუნიციპალიტეტის სოფელ ჭრებალოს საჯარო სკოლის 14-ვე აბიტურიენტი სტუდენტი გახდა.
კურსდამთავრებულებმა ერთიანი ეროვნული გამოცდები წარმატებით ჩააბარეს და მათთვის სასურველ უმაღლეს სასწავლებლებში ჩაირიცხნენ.
სკოლის დირექტორი მაკა ვაწაძე კურსდამთავრებულებს სტუდენტობას ულოცავს.
„14 აბიტურიენტი -14 სტუდენტი, გილოცავთ, თქვენ და ყველა სტუდენტს. თქვენ უნდა შექმნათ ჩვენი ქვეყნის მომავალი, ღირსეული შვილები ყოფილიყავით ჩვენი თვალხატულა სამშობლოსი!“,- ვკითხულობთ დირექტორის მისალოც წერილში.
აღსანიშნავია, რომ ერთიანი ეროვნული გამოცდების საბოლოო შედეგები (ინფორმაცია აბიტურიენტთა ჩარიცხვისა და გრანტის განაწილების თაობაზე) 30 აგვისტოს გახდა ცნობილი.
სკოლების სიახლეები
