წალენჯიხის მუნიციპალიტეტის ლიის თემის N1 საჯარო სკოლის 27-მა კურსდამთავრებულებმა ერთიანი ეროვნული გამოცდები წარმატებით ჩააბარა. ახალგაზრდები სასურველ უმაღლეს სასწავლებლებში ჩაირიცხნენ.
სახელმწიფო დაფინანსება კი მოიპოვეს შემდეგმა მოსწავლეებმა:
- თირქია ანდრო - 100%;
- ახალაია ნინო- 70%;
- უბილავა გიორგი - 70%;
- პაჭკორია თეკლე - 50%;
- პაჭკორია თამუნა - 50%;
- ლუკავა ეკატერინე - 50%.
სკოლაში მოსწავლეთა წარმატება ახარებთ და მათ ბედნიერ და ნაყოფიერ სტუდენტურ წლებს უსურვებენ.
„სიამაყით მინდა გაგიზიაროთ ლიის N1 საჯარო სკოლის წარმატება, რომლის 27 კურსდამთავრებული სტუდენტი გახდა, მათ შორის 9 ოქროსმედალოსანია და 100, 70 და 50-პროცენტიანი გრანტის მფლობელი. მთელი პედკოლექტივის სახელით ვულოცავ მათ ცხოვრების ახალ ეტაპზე გადასვლას და ვუსურვებ წარმატებებს მომავალშიც!“,- აღნიშნავს სასწავლო ნაწილის გამგე მარინა ცხადია.
აღსანიშნავია, რომ ერთიანი ეროვნული გამოცდების საბოლოო შედეგები (ინფორმაცია აბიტურიენტთა ჩარიცხვისა და გრანტის განაწილების თაობაზე) 30 აგვისტოს გახდა ცნობილი.
