„ვულოცავთ, თითოეულ მათგანს“ - ქვახვრელის საჯარო სკოლის 20 აბიტურიენტიდან ყველა სტუდენტი გახდა
31-08-2022
გორის მუნიციპალიტეტის სოფელ ქვახვრელის საჯარო სკოლის 20 აბიტურიენტიდან ოცივე სტუდენტი გახდა.
კურსდამთავრებულებმა ერთიანი ეროვნული გამოცდები წარმატებით ჩააბარეს და მათთვის სასურველ უმაღლეს სასწავლებლებში ჩაირიცხნენ.
მათ შორის, სალომე წიწიკაშვილმა მოიპოვა 100%-იანი გრანტი (ილიას სახელმწიფო უნივერსიტეტი ბიზნესის ადმინისტრირება), მათე გაბაშვილი -70%-იანი გრანტის მფლობელია, გიორგი ტურაშვილს სწავლა ასევე 70%-ით დაუფინანსდება, ლუკა აბრამიშვილმა კი 50%-იანი გრანტი დაიმსახურა.
სკოლის დირექცია და პედაგოგები კურსდამთავრებულებს სტუდენტობას ულოცავენ და ბედნიერ და ნაყოფიერ სტუდენტურ წლებს უსურვებენ.
„ვულოცავთ თითოეულ მათგანს მომავალი წარმატებების სურვილით“,- ვკითხულობთ მისალოც წერილში.
სკოლების სიახლეები
