ჭიათურის N7 საჯარო სკოლიდან წელს 13 კურსდამთავრებული სტუდენტი გახდა. კურსდამთავრებულებმა ერთიანი ეროვნული გამოცდები წარმატებით ჩააბარეს და მათთვის სასურველ უმაღლეს სასწავლებლებში ჩაირიცხნენ. ამასთან, ორმა მათგანმა - ნინო ბედინაშვილმა და მარიამ ღუღუნიშვილმა 50%-იანი გრანტი მოიპოვა. 

სკოლის დირექცია და პედაგოგები კურსდამთავრებულებს სტუდენტობას ულოცავენ და ბედნიერ, ნაყოფიერ და წარმატებულ სტუდენტურ წლებს უსურვებენ. 

აღსანიშნავია, რომ ერთიანი ეროვნული გამოცდების საბოლოო შედეგები (ინფორმაცია აბიტურიენტთა ჩარიცხვისა და გრანტის განაწილების თაობაზე) 30 აგვისტოს გახდა ცნობილი.