ხელვაჩაურის მუნიციპალიტეტის სოფელ ქვემო მახოს საჯარო სკოლაში საქართველოს ფეხბურთის ფედერაციის წარმომადგენელ მამუკა კვარაცხელიასა და აჭარის ფეხბურთის ფედერაციის პრეზიდენტ ირაკლი თორთლაძეს უმასპინძლეს. 

სტუმრები სკოლის დირექტორ ქიშვარდ გორგოშაძესა და მოსწავლეებს შეხვდნენ და ფასიანი საჩუქრები გადასცეს. შეხვედრას ასევე ესწრებოდნენ მასწავლებლები და მშობლები.

„სკოლაში სტუმრად იმყოფებოდნენ საქართველოს ფეხბურთის ფედერაციის წარმომადგენელი ბატონი მამუკა კვარაცხელია და აჭარის ფეხბურთის ფედერაციის პრეზიდენტი ბატონი ირაკლი თორთლაძე, შეხვედრა შედგა ქვემო მახოს საჯარო სკოლის მოსწავლეებთან. გადმოგვეცა ფასიანი საჩუქრები. მადლობელნი და გახარებულნი ვართ“,- აღნიშნავს სკოლის დირექტორი.