ქუთაისის N20 საჯარო სკოლის წამყვანი მასწავლებელი, რუსული ენის პედაგოგი მარინა კვეტენაძე სასწავლო წლის განმავლობაში მოსწავლეთა ცოდნის გაღრმავებასა და შემოქმედებითი უნარების ჩამოყალიბებაზე აქტიურად ზრუნავს.
იგი მოსწავლეებს სხვადასხვა საინტერესო აქტივობას სთავაზობდა.
მან V-VI კლასის მოსწავლეებს ბავშვთა დაცვის დღესთან დაკავშირებით სიმღერა „დაე, მუდამ იყოს მზე!“ მოასმენინა.
მოსწავლეებმა გაიაზრეს სიმღერის ტექსტი, შემდეგ ნახატები დახატეს.
გარდა ამისა, მე-9 კლასის მოსწავლეებმა მასწავლებლებსა და უფროსკლასელებში ჩაატარეს გამოკითხვა „რისგან უნდა დავიცვათ ბავშვები?" შედეგების მიხედვით კი პოსტერი შექმნეს.
მისი ხელმძღვანელობით, მე-8 კლასის მოსწავლეებმა თემაზე - დღესასწაულები და გატაცებები იმუშავეს. მათ მისალოცი ბარათები დაამზადეს და ბავშვთა დაცვის დღე მიულოცეს მსოფლიო ბავშვებს.
მე-7 კლასის მოსწავლეებმა კი უკრაინელ თანატოლებს ემოციური წერილები მისწერეს და თანადგომა გამოუცხადეს.
იხილეთ ფოტოები:
