„სიტყვებში განფენილი ისტორია“ - ქუთაისის N5 საჯარო სკოლაში მრავალფეროვანი ღონისძიება ჩატარდა
03-08-2022
ქუთაისის N5 საჯარო სკოლის მოსწავლეები მთელი სასწავლო წლის განმავლობაში არაერთ აქტივობასა და ღონისძიებაში მონაწილეობენ და ამის დასტურია ღონისძიება, რომელიც მშობლიური ენის ისტორიის ლაბირინთებში ჯადოსნურ მოგზაურობას უფრო ჰგავდა.
ღონისძიებაში - „სიტყვებში განფენილი ისტორია“ - მე-5 კლასის მოსწავლეები, ლია ჭეიშვილის, ნანა ცერცვაძის, ნანა შალამბერიძისა და პაატა ქარქაშაძის ხელმძღვანელობით, ჩაერთნენ.
მოსწავლეებმა სხვადასხვა აქტივობა შეასრულეს - იმღერეს, იცეკვეს, ლექსები წაიკითხეს და საკუთარი შესაძლებლობები წარმატებით წარმოაჩინეს.
„სიტყვებში განფენილი ისტორია" - ასე უწოდეს ღონისძიებასა და ხელნაწერ წიგნს მეხუთეკლასელებმა.
საღამომ სული აუმაღლა და გული გაუთბო მაყურებელს. ეს, მართლაც, ბედაური, მაძღარი, ქართული სიტყვის სადიდებელი იყო“,- წერია სკოლის მიერ გავრცელებულ ინფორმაციაში.
იხილეთ ფოტოები:
იხილეთ ფოტოები:
სკოლების სიახლეები
