ჩოხატაურის მუნიციპალიტეტის, სოფელ ზემოხეთის საჯარო სკოლის პროფესიონალი პედაგოგიური საზოადოება, დირექციის მხარდამხარ, მუდმივად ცდილობს, მოსწავლეებმა მიიღონ საფუძვლიანი განათლება და ამის დასტურია ის, რომ 2021-2022 სასწავლო წელი ადგილობრივი სასკოლო საზოგადოებისთვის წარმატებით დასრულდა. მალე სექტემბრისთვის მზადება დაიწყება, მანამდე კი აღსანიშნავია ერთ-ერთი აქტივობა, რომელიც სკოლამ სწორედ სასწავლო წლის დასრულებას მიუძღვნა.
ღონისძიება მრავალფეროვანი და შემეცნებითი გახლდათ, რომელშიც მოსწავლეები დიდი ინტერესით ჩაერთნენ, შემდეგ კი ერისთავების სასახლეც მოინახულეს და სიგელებიც გადაეცათ.
აღსანიშნავია, რომ ზემოხეთის საჯარო სკოლაში სასწავლო წლის განმავლობაში მოსწავლეთა ცოდნის გაღრმავებასა და შემოქმედებითი უნარების ჩამოყალიბებაზე აქტიურად ზრუნავენ.
„ცოტა ხნით დავემშვიდობეთ სკოლას და ბევრი კარგი ვუსურვეთ ერთმანეთს. თითოეულმა მოსწავლემ დამსახურებულად მიიღო სიგელი და შემდეგ ერისთავების სასახლეც მოვინახულეთ“,- წერია სკოლის მიერ გავრცელებულ ინფორმაციაში.
იხილეთ ფოტოები:
