ჩოხატაურის მუნიციპალიტეტის სოფელ ჩაისუბნის საჯარო სკოლაში სასწავლო წლის განმავლობაში არაერთი საინტერესო აქტივობა თუ ღონისძიება გაიმართა.
დაწყებითი კლასების მოსწავლეებმა სწავლა წარმატებით დაასრულეს, ამასთან დაკავშირებით კი, მეოთხეკლასელებთან ერთად, შემაჯამებელი ღონისძიება „მომავლის მტრედები“ გამართეს.
მოსწავლეები ღონსიძიების მიმდინარეობაში დიდი მონდომებით, ინტერესითა და ხალისით ჩაერთნენ, სასკოლო საზოგადოების წარმომადგენლებს არაერთი საინტერესო, მუსიკალური თუ მხატვრული ნომერი შესთავაზეს და საკუთარი შესაძლებლობებიც წარმატებით წარმოაჩინეს.
ღონისძიების ორგანიზატორი მაია სირაძე გახლდათ.
„პირველმა და მეოთხეკლასებმა შემაჯამებელი ღონისძიება „მომავლის მტრედები“ გამართეს. ჩემო მტრედებო, საუკეთესო მომავალი,თქვენ“,- წერია სკოლის მიერ გავრცელებულ ინფორმაციაში.
იხილეთ ფოტოები:
