ერთიანი ეროვნული გამოცდის ქულების გამოქვეყნება აგვისტოს პირველი რიცხვებიდან დაიწყება, სად და როგორ შეიტყობენ აბიტურიენტები პირველადი შედეგებს შესახებ ინფორმაციას -  აღნიშნულ კითხვაზე დეტალურ ინფორმაციას შეფასებისა და გამოცდების ეროვნული ცენტრი აქვეყნებს.

ნაშრომების გასწორების პროცესის დასრულების შემდგომ გამოცდების ეროვნული ცენტრის ვებგვერდზე განთავსდება ერთიანი ეროვნული გამოცდების პირველადი შედეგები - აბიტურიენტების მიერ თითოეულ საგანში მიღებული ნედლი ქულა.

ამასთან, ყველა აბიტურიენტს ექნება შესაძლებლობა, ნახოს პასუხების ფურცლები, რომლებიც განთავსდება შეფასებისა დ აგამოცდების ეროვნული ცენტრის ვებგვერდზე. აბიტურიენტი სპეციალური საძიებო სისტემის მეშვეობით - საიდენტიფიკაციო ნომრის მითითებით, შეძლებს იხილოს და ამობეჭდოს პასუხების ასლი სასურველ საგანში.