თეიმურაზ ჭიტაძის სახელობის ოზურგეთის მუნიციპალიტეტის სოფელ გურიანთის საჯარო სკოლამ სასწავლო წელი წარმატებით დაასრულა. 

მოსწავლეები და პედაგოგები სხვადასხვა საინტერესო პროექტსა და აქტივობაში მონაწილეობდნენ. 

მათ შორის იყო ევროკავშირის მხარდაჭერით მიმდინარე პროექტის პროგრამა „საქართველოს კლიმატის პროგრამა“, რომელმაც გამოაცხადა კონკურსი „უთხარი არა პლასტმასას’’, სადაც სკოლამ 1500 ლარის ვაუჩერი მოიპოვა.

გარდა ამისა, „ახალგაზრდა პედაგოგთა კავშირმა“ გამოაცხადა კონკურსი „იდეათონი“, სადაც სკოლის ორი მოსწავლე „თი-ბი-სი“ ბანკის სტიპენდიანტი გახდა. მათ ანგარიშზე მთელი წლის განმავლობაში 1200 ლარი დაერიცხებათ. მათ რესტორან „ტონუსის“ ვაუჩერიც გადაეცათ.

სკოლამ მცირეგრანტიანი პროექტების კონკურსში პროექტით „ლიმონი - საოთახე კულტურა“ გაიმარჯვა, შედეგად კი 1416 ლარით დაფინანსდა და დამფინანსებელ ორგანიზაციას „ახალგაზრდა პედაგოგთა კავშირს“ პროექტის შუალედური ანგარიშის პრეზენტაცია წარმატებით წარუდგინა. 

სკოლის 4 მოსწავლეს „ჩემი პირველი კომპიუტერის“ ფარგლებში, ლეპტოპები გადაეცა.

„სასწავლო წლის დასასრულს, დაწყებითი და საბაზო საფეხურის დამრიგებლების მიერ განხორციელებული სასწავლო ექსკურსიები. მოსწავლეებმა მოინახულეს ისეთი ისტორიული ადგილები, როგორიცაა გელათი, ბაგრატის ტაძარი,  მოწამეთა, სათაფლია, ვანის ნაქალაქარი, დენდროლოგიური პარკი, ნოდარ დუმბაძის სახლ-მუზეუმი და სხვა. განსაკუთრებით შთამბეჭდავი იყო სასწავლო-შემეცნებითი ექსკურსია გალაკტიონისა და ტიციან ტაბიძის სახლ- მუზეუმში , სადაც ღია ცის ქვეშ მოსწავლეებმა გამართეს პოეზიის საღამო . გაჟღერდა  ამ ორი სახელოვანი პოეტის ლექსები , გაუზიარეს ერთმანეთს შთაბეჭდილებები, გადაიღეს სამახსოვრო სურათები.
იმედია, მომავალი სასწავლო წელი კიდევ უფრო საინტერესო და წარმატებული იქნება“,- წერია სკოლის მიერ გავრცელებულ ინფორმაციაში. 

იხილეთ ფოტოები: