მცხეთის მუნიციპალიტეტის სოფელ ციხისძირის საჯარო სკოლის მოსწავლეები სასწავლო წლის განმავლობაში არაერთ ღონისძიებასა და აქტივობაში მონაწილეობდნენ.
მათ „სამოქალაქო განათლება მდგრადი განვითარებისთვის“ ოლიმპიადის ფარგლებში, პროექტი „ჩვენ შეგვიძლია დავეხმაროთ პლანეტას“ განახორციელეს.
აღნიშნული პროექტი მდგრადი განვითარების მეთორმეტე მიზანს - „მდგრადი მოხმარება და წარმოება“ უკავშირდება. მის მიმდინარეობაში მოსწავლეები დიდი მონდომებითა და ინტერესით ჩაერთნენ.
მათი ხელმძღვანელი სამოქალაქო განათლების მასწავლებელი ნათია შიბდიროვი იყო.
„ინიციატივის მიზანი: ნარჩენების მართვის შედეგად ადამიანებმა მაქსიმალური პრაქტიკული სარგებელი მივიღოთ და მინიმალური ზიანი მივაყენოთ გარემოს.
პროექტის ფარგლებში სკოლაში განხორციელდა მრავალფეროვანი აქტივობები“,- წერია სკოლის მიერ გავრცელებულ ინფორმაციაში.
იხილეთ ფოტოები:
