ეშტიის N1 საჯარო სკოლის კლუბის - „დედამიწა ჩემი სახლია“ წარმატება მასშტაბურ გარემოსდაცვით კონკურსზე
25-07-2022
ნინოწმინდის მუნიციპალიტეტის სოფელ ეშტიის N1 საჯარო სკოლაში მოსწავლეთა ეკოლოგიური ცნობიერების ამაღლებას უდიდესი ყურადღება ექცევა. მათ შორის სკოლაში, სასწავლო წლის მანძილზე ბერნიკ ჰოვსეფიანის, გოჰარ ესოიანის და არმინე ეგანტოსიანის ხელმძღვანელობით, ფუნქციონირებდა კლუბი - „დედამიწა ჩემი სახლია“.
კლუბი აქტიურად იყო ჩართული მასშტაბურ გარემოსდაცვით კონკურსში - „ნიკო კეცხოველის სასკოლო პრემია“. ეკოკლუბელები კონკურსის ფარგლებში მრავალფეროვან გარემოსდაცვით აქტივობებს ახორციელებდნენ და სასკოლო პრემიის ნახევარფინალში ღირსეულად წარდგნენ.
კლუბი მიღწეული წარმატებისთვის 500-ლარიანი ვაუჩერით დასაჩუქრდა. კლუბის წევრებმა კონკურსში მოპოვებული თანხით სკოლის ბიბლიოთეკისთვის საინტერესო წიგნები და განმავითარებელი თამაშები შეიძინეს.
იხილეთ ფოტოები:
სკოლების სიახლეები
