მარტვილის მუნიციპალიტეტის სოფელ ხუნწის საჯარო სკოლის წარჩინებული მოსწავლეები - გიორგი სხულუხია და თაკო ძიძიგური პროგრამის -„ჩემი პირველი კომპიუტერი“ ფარგლებში დაჯილდოვდნენ.
მოსწავლეებს საბაზო საფეხურის წარჩინებით დასრულებისთვის პორტაბელური კომპიუტერები გადაეცათ.
სკოლაში მოსწავლეთა წარმატებით ამაყობენ და წინსვლას უსურვებენ.
„მადლობა ხუნწის საჯარო სკოლის მასწავლებლებს გაწეული შრომისთვის, მოსწავლეებისთვის ხარისხიანი განათლების მიცემისთვის. ბავშვებს კი ბევრი წარმატება, კიდევ ბევრჯერ ეამაყებინოთ სკოლა“,-აღნიშნულია მისალოც წერილში.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
