გაუწყინარის საჯარო სკოლის მოსწავლეები სწავლაში მიღწეული წარმატებისთვის კომპიუტერებით დაჯილდოვდნენ
19-07-2022
აბაშის მუნიციპალიტეტის სოფელ გაუწყინარის საჯარო სკოლის წარჩინებული მოსწავლეები პროგრამის - „ჩემი პირველი კომპიუტერი“ ფარგლებში დაჯილდოვდნენ.
მოსწავლეებს, რომელთაც საბაზო საფეხური წარჩინებით დაასრულეს პორტაბელური კომპიუტერები გადაეცათ.
სკოლაში მოსწავლეთა წარმატებით ამაყობენ და წინსვლას უსურვებენ.
„გაუწყინარის საჯარო სკოლის წარჩინებულ მოსწავლეებს კომპიუტერები გადაეცათ, რითაც მათ კიდევ დამატებითი მოტივაცია მიეცათ სწავლების შემდეგ საფეხურებზე“,- აღნიშნულია სკოლის წერილში.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
სკოლების სიახლეები
