თელავის N9 საჯარო სკოლაში სასწავლო წელი წარმატებით დასრულდა. დირექციამ და პედაგოგებმა ძალ-ღონე არ დაიშურეს და მომავალ თაობას სიღრმისეული განათლება მისცეს. მათ შორის, საგანი - „მე და საზოგადოება“ სკოლის დაწყებით კლასებში დიდი ინტერესითა და ხალისით ისწავლება.
პედაგოგმა, ნინო ფოთოლაშვილმა, თემის - „ჩვენი ქვეყნის სიმბოლოები“ შესწავლის შემდეგ მეოთხეკლასელებს საინტერესო პროექტი შესთავაზა.
პროექტის - „ჩემი ქვეყნის სიმბოლოები“ ფარგლებში მოსწავლეებს უნდა შეექმნათ კლასის დროშა, გერბი და ჰიმნი.
როგორც სკოლაში გვიყვებიან, მოსწავლეები პროექტში ხალისით ჩაერთვნენ. მასწავლებლის მოთხოვნა ერთადერთი იყო - მაქსიმალურად უნდა წარმოეჩინათ საკუთარი შესაძლებლობები, ნამუშევრები უნდა ყოფილიყო ინოვაციური და შემოქმედებითი.
პრეზენტაცია სკოლის სააქტო დარბაზში 2 ივნისს გაიმართა. პატარებმაც და დამსწრე საზოგადოებამაც ისიამოვნა ნამუშევრების პრეზენტაციით. მოსწავლეებმა დამსახურებული საჩუქრებიც მიიღეს.
„მადლობა ბავშვებს, მადლობა ნინო მასწავლებელს! საუკეთესო თაობა მოდის. გვჯერა, სკოლას კიდევ ბევრჯერ გაახარებენ“,- აღნიშნავენ სკოლაში.
იხილეთ ფოტო-ვიდეომასალა:
