ზესტაფონის მუნიციპალიტეტის, ზაზა ფერაძის სახელობის შორაპნის საჯარო სკოლის წარჩინებულ მოსწავლეებს - ანი გაჩეჩილაძეს, ნია გაჩეჩილაძეს, რამაზ მახათაძეს, მარიამ სულაკაძეს, გიორგი გურგენიძეს, საბა აბრამიშვილს, ნინი პარფენოვს და რუსუდან ციციშვილს პროგრამის - „ჩემი პირველი კომპიუტერი“ ფარგლებში პორტაბელური კომპიუტერები გადაეცათ.
მოსწავლეები საბაზო საფეხურის წარჩინებით დასრულებისათვის დაჯილდოვდნენ.
სკოლის დირექცია მოსწავლეთა წარმატებით ამაყობს და წინსვლას უსურვებს.
„დირექცია ულოცავს - გაჩეჩილაძე ანის, გაჩეჩილაძე ნიას, მახათაძე რამაზს, სულაკაძე მარიამს, გურგენიძე გიორგის, აბრამიშვილ საბას, პარფენოვ ნინის, ციციშვილ რუსუდანს და უსურვებს მათ შემდგომ წარმატებას“,- აღნიშნულია სკოლის დირექციის მისალოც წერილში.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
