თერჯოლის მუნიციპალიტეტის ალისუბნის თემის N1 საჯარო სკოლის მოსწავლეები და პედაგოგები სასწავლო წლის განმავლობაში არაერთ აქტივობასა და ღონისძიებაში მონაწილეობდნენ.
სკოლამ ზოგადი განათლების რეფორმის STEAM ექსპერტების მიერ, მესამე თაობის ეროვნული სასწავლო გეგმის კონცეფციის შესაბამისად მომზადებული STEAM პროექტებიდან „გარე განათების სისტემა“ აარჩია და შეასრულა.
აღნიშნული პროექტის ფარგლებში, საქართველოს ეროვნულ უნივერსიტეტში კონფერენცია ჩატარდა. იქ მოსწავლეებმა პროექტის განხორციელებისათვის ჩატარებული სამუშაოების შესახებ პრეზენტაცია და STEAM პროექტის შედეგად მიღებული პროდუქტი „გარე განათების სისტემა“ წარადგინეს.
პროექტის ხელმძღვანელი მათემატიკის უფროსი მასწავლებელი ანა ჭანტურიძე იყო. მასში სხვა მასწავლებლები მათემატიკის უფროსი პედაგოგი ინგა გაბრიჭიძე და ფიზიკის უფროსი მასწავლებელი ირმა თურქაძე ჩაერთნენ.
პროექტში მონაწილე მოსწავლეები იყვნენ: ელა ერგემლიძე (მე-11 კლასი), სალომე ხუჯაძე (მე-11 კლასი) და მალხაზი თურქაძე (მე-11 კლასი).
მოსწავლეები და მასწავლებლები სპეციალური დიპლომებითა და საჩუქრებით დაჯილდოვდნენ.
იხილეთ ფოტოები:
