15 ივლისს აბიტურიენტები ქიმიისა და სახვითი და გამოყენებითი ხელოვნების გამოცდას აბარებდნენ, მასწავლებლები და მასწავლებლობის მსურველები კი გეოგრაფიის, პროფესიული უნარებისა და აზერბაიჯანული ენის გამოცდას.

ორივე სესიაზე სულ გამოცხადდა 94%-მდე აბიტურიენტი და 87%-ზე მეტი მასწავლებლის გამოცდაში მონაწილე აპლიკანტი. დაიგვიანა ხუთმა გამოსაცდელმა, - აღნიშნულ ინფორმაციას შეფასებისა და გამოცდების ეროვნული ცენტრი ავრცელებს.

ორშაბათიდან ერთიანი ეროვნული გამოცდები ისტორიის გამოცდით გაგრძელდება.