სიქთარვის საჯარო სკოლის მოსწავლეები წარჩინებით სწავლისთვის კომპიუტერებით დაჯილდოვდნენ
15-07-2022
თერჯოლის მუნიციპალიტეტის სოფელ სიქთარვის საჯარო სკოლის 2019-20 წლის საბაზო საფეხურის წარჩინებული კურსდამთავრებულები - ბაქარი კვატაია, ქრისტინე გიორგაძე, ზურა ბასილაია, გიორგი მუმლაძე და ბექა რობაქიძე პროგრამის - „ჩემი პირველი კომპიუტერი“ ფარგლებში დაჯილდოვდნენ.
მოსწავლეებს სწავლაში მიღწეული წარმატებისთვის პორტაბელური კომპიუტერები გადაეცათ.
სკოლის დირექტორი ია კვატაია და პედაგოგები მოსწავლეებს წარმატებას ულოცავენ და წინსვლას უსურვებენ.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
სკოლების სიახლეები
