დავით კლდიაშვილის სახელობის თერჯოლის მუნიციპალიტეტის სოფელ ზედა სიმონეთის საჯარო სკოლის ხუთ წარჩინებულ მოსწავლეს, რომლებმაც საბაზო საფეხური 10 ქულაზე დაასრულეს პორტაბელური კომპიუტერები გადაეცათ.
მოსწავლეები პროგრამის - „ჩემი პირველი კომპიუტერი“ ფარგლებში დაჯილდოვდნენ.
სწავლაში მიღწეული წარმატებისთვის დასაჩუქრდნენ შემდეგი მოსწავლეები:
- ირმა ბრეგაძე;
- ლიკა გოგოლაშვილი;
- გურამ თორთლაძე;
- შოთა ქასრაშვილი;
- გურამ ქარქაშაძე.
სკოლაში მოსწავლეთა წარმატებით ამაყობენ და მათ წინსვლას უსურვებენ.
„ვულოცავთ, წარმატებებს ვუსურვებთ თითოეულ მათგანს, ვულოცავთ პედაგოგებს, მშობლებს. მართლაც საამაყო და საიმედო თაობა გვეზრდება მათი სახით. მადლობა თერჯოლის საგანმანათლებლო რესურსცენტრს, განათლებისა და მეცნიერების სამინისტროს პროგრამის ორგანიზებულად განხორციელებისათვის“,- აღნიშნულია სკოლის დირექციის მისალოც წერილში.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
იხილეთ ფოტოები:
