ახალსოფლის საჯარო სკოლის 6 წარჩინებული მოსწავლე პროგრამის - „ჩემი პირველი კომპიუტერი“ ფარგლებში დაჯილდოვდა
12-07-2022
გარდაბნის მუნიციპალიტეტის სოფელ ახალსოფლის საჯარო სკოლის წარჩინებული მოსწავლეები - თამთა გოგიაშვილი, ლიზი კვინიკაძე, ლიზი ქართლოსიშვილი, მარიამ ტორაძე, ნინო მარტიაშვილი და გვანცა მუჯრიშვილი პროგრამის - „ჩემი პირველი კომპიუტერი“ ფარგლებში დაჯილდოვდნენ.
მოსწავლეებს სწავლაში მიღწეული წარმატებისთვის კომპიუტერები გადაეცათ.
სკოლის დირექცია და პედაგოგები თითოეულ მათგანს წარმატებას ულოცავს და წინსვლას უსურვებს.
პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
სკოლების სიახლეები
