წყალტუბოს მუნიციპალიტეტის სოფელ ფარცხანაყანევის N1 საჯარო სკოლა სასწავლო წლის განმავლობაში არაერთ აქტივობასა და ღონისძიებაში იყო ჩართული.
სკოლას პროექტის „თანამშრომლობა სუფთა გარემოსთვის" ფარგლებში, იმერეთის მხარის მეცნიერთა კავშირმა „სპექტრი“ საჩუქრად ორგანული ნარჩენებისგან კომპოსტის დასამზადებლი ყუთი გადასცა.
მის აწყობასა და რეკონსტრუქციაში „სპექტრის“ წევრებთან ერთად, სკოლის ბუნებისმოყვარულთა კლუბის „ეკოპლანეტელების“ წევრები ჩაერთნენ.
სკოლაში იმერეთის მხარის მეცნიერთა კავშირს მადლობას უხდიან.
„კომპოსტი ნიადაგის საკვები ნივთიერებებით გამდიდრების უმარტივესი გზაა, რომელიც ამავე დროს საყოფაცხოვრებო ნარჩენების რაოდენობას ამცირებს.
მადლობას ვუხდით იმერეთის მხარის მეცნიერთა კავშირს - „სპექტრი“ და მის ხელმძღვანელს ქეთევან ცხაკაიას“,- წერია სკოლის მიერ გავრცელებულ ინფორმაციაში.
იხილეთ ფოტოები:
