დიდი მუღანლოს საჯარო სკოლის სამი მოსწავლე სწავლაში მიღწეული წარმატებისთვის დაჯილდოვდა
11-07-2022
მარნეულის მუნიციპალიტეტის სოფელ დიდი მუღანლოს საჯარო სკოლის მოსწავლეები - ნაირა გასიმოვა, სამა აბასოვა და ემილ გარაჯაევი პროგრამის - „ჩემი პირველი კომპიუტერი“ ფარგლებში დაჯილდოვდნენ.
მოსწავლეებს სწავლაში მიღწეული წარმატებისთვის კომპიუტერები გადაეცათ.
სკოლაში მოსწავლეებს წარმატებას ულოცავენ.
„წარმატებულ მოსწავლეებს ვულოცავ და ვუსურვებ წარმატებებს მათ და სკოლის სხვა მოსწავლეებს მომავალ საქმიანობაში“ ,- აღნიშნავენ სკოლაში.
პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.
სკოლების სიახლეები
