ახოს N1 საჯარო სკოლის მეოთხეკლასელებმა წარმატებული და ნაყოფიერი ოთხი წელი შეაჯამეს
08-07-2022
ქედის მუნიციპალიტეტის სოფელ ახოს N1 საჯარო სკოლაში 2021-2022 სასწავლო წელი წარმატებით დასრულდა. პედაგოგებმა სასწავლო წლის მანძილზე მოსწავლეებს არაერთი საგანმანათლებლო, შემეცნებითი, სახალისო თუ საზეიმო ღონისძიებით გაულამაზეს სასკოლო გარემო.
მათ შორის აუცილებლად აღსანიშნავია, მეოთხეკლასელთა გამოსაშვები ღონისძიება. მოსწავლეებმა, დამრიგებელთან ერთად, დაუვიწყარი და ნაყოფიერი ოთხი წელი შეაჯამეს.
სკოლაში მოსწავლეებს სასწავლო წლის ნაყოფიერად დასრულებას ულოცავენ და მომავალ წლებში სწავლის ასეთივე წარმატებით გაგრძელებას უსურვებენ.
„ახოს №1 საჯარო სკოლის მეოთხეკლასელები წარმატებული აკადემიური მოსწრებითა და ლამაზი აქტივობებით დაემშვიდობენ დაწყებით კლასს. წარმატებული სასწავლო წლები გქონოდეთ, ბავშვებო!!!“,- აღნიშნავენ სკოლაში.
იხილეთ ვიდეო:
სკოლების სიახლეები
