გორის მუნიციპალიტეტის სოფელ პატარა გარეჯვრის საჯარო სკოლის დირექტორის მიხეილ ბიბილაშვილის ლექსები წიგნში დაიბეჭდა. 

მისი ლექსები იაკობ გოგებაშვილის სახელობის პედაგოგთა კავშირმა წიგნში - „შემოქმედი მასწავლებელი“ შეიტანა.

გარდა ამისა, კავშირის მიერ მოწყობილ პედაგოგთა კონფერენციაზე, მიხეილ ბიბილაშვილს აღნიშნული წიგნი და სიგელი, ლიტერატურულ კონკურსში - „შემოქმედი მასწავლებელი“ - აქტიური მონაწილეობისათვის, გადაეცა. 

სკოლაში დირექტორის წარმატებით ამაყობენ და მომავალშიც წინსვლას უსურვებენ.