მცხეთის მუნიციპალიტეტის სოფელ ნატახტრის საჯარო სკოლის მოსწავლეები სასწავლო წლის განმავლობაში არაერთ ღონისძიებასა და აქტივობაში მონაწილეობდნენ.
მათ შორის იყო ბავშვთა დაცვის საერთაშორისო დღისადმი მიძღვნილი ღონისძიება. ის დამრიგებლებისა და სპეციალური მასწავლებლის ხელმძღვანელობით გაიმართა.
VIII-IX კლასის მოსწავლეებმა IV-V კლასის მოსწავლეებისთვის თემატური პრეზენტაციები წარადგინეს. მათ ბავშვთა უფლებების შესახებ ისაუბრეს და კედლის გაზეთიც დაამზადეს.
აქტივობის მიმდინარეობაში მოსწავლეები დიდი მონდომებით, ხალისითა და ინტერესით ჩაერთნენ. მათ თავიანთი შესაძლებლობები წარმატებით წარმოაჩინეს.
„ზაფხულის პირველი დღე, პირველი ივნისი. ამ დღესასწაულს მთელ მსოფლიოში აღნიშნავენ, მათ შორის, საქართველოშიც. იდეა გაჟღერდა 1925 წელს, ჟენევის საერთაშორისო კონფერენციაზე. პირველად აღინიშნა 1959 წელს. ეს დღესასწაული ყოველწლიურად აღინიშნება მსოფლიოს თითქმის ყველა ქვეყანაში. ბავშვებისადმი მიძღვნილი კონცერტებით, გამოფენებითა და სხვადასხვა ღონისძიებით; იმართება საქველმოქმედო აქციები“,- წერია სკოლის მიერ გავრცელებულ ინფორმაციაში.
იხილეთ ფოტოები:
