სენაკის მუნიციპალიტეტის სოფელ ნოქალაქევის საჯარო სკოლის პედაგოგები პროფესიულ განვითარებაზე აქტიურად ზრუნავენ. ამ მიზნით ისინი სხვადასხვა საგანმანათლებლო ღონისძიებებში, ტრენინგებსა თუ კონფერენციებში ყოველთვის მონაწილეობენ.
ამჯერად სკოლის ქიმია-ბიოლოგიის პედაგოგი ნაირა ბერულავა მასწავლებელთა რაიონული კონფერენციაში ჩაერთო.
ნაირა ბერულავამ მაღალ დონეზე, საინტერესოდ და შთამბეჭდავად წარადგინა მე-9 კლასში ჩატარებული კომპლექსური დავალება თემაზე -„ქიმიური რეაქციის კლასიფიკაცია ტიპების მიხედვით“.
რაიონული კონფერენცია 21 ივნისს, ზოგადი განათლების რეფორმის ფარგლებში ჩატარდა. მას ესწრებოდნენ სამეგრელო-ზემო სვანეთის საგნის ექსპერტები და ქოუჩები.
მასწავლებლებმა წარადგინეს მოსწავლეთა მიღწევები კომპლექსური დავალებების შედეგად.
„ნოქალაქევის საჯარო სკოლის დირექცია მადლობას უხდის მას კონფერენციაში მომხსენებლად მონაწილეობისა და წარმატებული პრაქტიკის გაზიარებისათვის. ჩვენ ვამაყობთ თქვენით“,- აღნიშნავენ სკოლაში.
იხილეთ ფოტოები:
