ნიკო ბაგრატიონის (ბურის) სახელობის მცხეთის მუნიციპალიტეტის სოფელ მუხრანის N1 საჯარო სკოლაში სასწავლო წელი წარმატებით დასრულდა. წლის მანძილზე მასწავლებლები მოსწავლეებს არაერთი საგანმანათლებლო-შემეცნებით, გასართობ თუ საზეიმო ღონისძიებას სთავაზობდნენ და მათი ცოდნის, ნიჭისა და შესაძლებლობების წახალისებას ცდილობდნენ.
მათ შორის აუცილებლად აღსანიშნავია, მეოთხეკლასელთა გამოსაშვები ღონისძიებები. სასკოლო ღონისძიებები საერთო სახელწოდებით - „მომავალი ჩვენია“ სკოლის IVა და IVბ კლასის ხელმძღვანელების (მ.ფაიქაშვილი და მ.ბედიანაშვილი) ინიციატივით ჩატარდა.
ორივე ღონისძიება მოსწავლეთა შემოქმედებითი უნარების წარმოჩენის უნიკალური შესაძლებლობა იყო და დამსწრე საზოგადოების დიდი მოწონება დაიმსახურა.
სცენაზე ერთმანეთს ენაცვლებოდნენ სიტყვით გამომსვლელი, მუსიკალური და ქორეოგრაფიული ნომრების შემსრულებელნი. მოსწავლეებმა პედაგოგებთან, მშობლებთან და დამსწრე საზოგადოებასთან ერთად საზეიმოდ დაამთავრეს პირველი ოთხი კლასი და სამომავლოდ კიდევ ბევრ სასიამოვნო სიახლეს გვპირდებიან.
იხილეთ ფოტოები:
