ლედგებეს საჯარო სკოლის მოსწავლის ანასტასია წოწორიას წარმატება ინტელექტ-ჩემპიონატ „ეტალონში“
29-06-2022
მარტვილის მუნიციპალიტეტის სოფელ ლედგებეს საჯარო სკოლის მოსწავლეები საქართველოს ეროვნულ ინტელექტ-ჩემპიონატ „ეტალონში“ ხალისითა და დიდი ინტერესით მონაწილეობენ.
მარტვილელი მოსწავლეებისთვის კონკურსის პირველი ეტაპი 29 ივნისს ჩატარდა, რომელშიც ლედგებეს საჯარო სკოლის მოსწავლეები აქტიურად ჩაერთნენ. სკოლას არაერთი წარმატებული მოსწავლე ჰყავს, ამჯერად კი სკოლიდან კონკურსში უმაღლესი ქულა მე-9 კლასის მოსწავლე ანასტასია წოწორიამ მოიპოვა.
„ვულოცავთ მას და ყველა მოსწავლეს ამ წარმატებას; ვუსურვებთ უფრო მეტ წარმატებას შემდგომ ეტაპებზე“, - ამბობს პედაგოგი ფატი ბაღდავაძე.
2022 წლის საქართველოს ეროვნული ინტელექტ-ჩემპიონატი „ეტალონი“ საქართველოს განათლებისა და მეცნიერების სამინისტროს მხარდაჭერით დისტანციურ რეჟიმში მიმდინარეობს.
ინტელექტუალურ შეჯიბრში მარტვილის მუნიციპალიტეტის სკოლების მე-8, მე-9, მე-10 და მე-11 კლასის მოსწავლეები ჩაერთნენ.
კონკურსის ყველა მონაწილე მოსწავლე „ეტალონის“ სპეციალური სახელობითი ონლაინ სიგელით დაჯილდოვდა. ინტელექტუალური კონკურსი მარტვილის მუნიციპალიტეტის მერიის, მერიის კულტურის, განათლების, სპორტის, ტურიზმის, ძეგლთა დაცვისა და ახალგაზრდობის საქმეთა სამსახურისა და მარტვილის საგანმანათლებლო რესურსცენტრის მხარდაჭერით იმართება.
კონკურსის პირველი ეტაპის შედეგების მიხედვით შეირჩა 64 მოსწავლე, რომლებიც ერთმანეთს მეორე ეტაპზე - „მარტვილის ეტალონი მოსწავლის“ ტიტულისთვის შეეჯიბრებიან. კონკურსის II ეტაპი 30 ივნისს 10:00 საათიდან 16:00 საათამდე ასევე დისტანციურ რეჟიმში გაიმართება.
პროგრამა მომავალი პირველკლასელებისთვის გათვლილია ივლისისა და აგვისტოს თვეებზე და მორგებულია იმგვარად, რომ საზაფხულო დასვენების გეგმების ცვლილების გარეშე, ოჯახის წევრების ჩართულობით, შეძლოს
