ჩოხატაურის მუნიციპალიტეტის სოფელ შუაფარცხმის საჯარო სკოლის მოსწავლეები საქართველოს ეროვნულ ინტელექტ-ჩემპიონატ „ეტალონში“ დიდი შემართებით ჩაერთნენ.
მოსწავლეებმა ჩოხატაურის მუნიციპალიტეტის დისტანციური კონკურსის პირველი ეტაპი წარმატებით დაძლიეს და შემდეგ ეტაპზე გადავიდნენ. მათ „ეტალონის“ ოქროს სიგელები დაიმსახურეს.
შეგახსენებთ, რომ 2022 წლის საქართველოს ეროვნული ინტელექტ-ჩემპიონატი „ეტალონი“ საქართველოს განათლებისა და მეცნიერების სამინისტროს მხარდაჭერით დისტანციურ რეჟიმში მიმდინარეობს.
2 ივნისს კონკურსის პირველი ეტაპი ჩოხატაურელი მოსწავლეებისთვის ჩატარდა. ინტელექტუალურ შეჯიბრში ჩოხატაურის მუნიციპალიტეტის სკოლების მე-8, მე-9, მე-10 და მე-11 კლასის მოსწავლეები ჩაერთნენ.
კონკურსის ყველა მონაწილე მოსწავლე „ეტალონის“ სპეციალური სახელობითი ონლაინ სიგელით დაჯილდოვდა. ინტელექტუალური კონკურსი ჩოხატაურის მუნიციპალიტეტის მერიის, მერიის განათლების, კულტურისა და სპორტის სამსახურისა და ჩოხატაურის საგანმანათლებლო რესურსცენტრის მხარდაჭერით იმართება.
კონკურსის პირველი ეტაპის შედეგების მიხედვით შეირჩა 72 მოსწავლე, რომლებიც ერთმანეთს მეორე ეტაპზე - „ჩოხატაურის ეტალონი მოსწავლის“ ტიტულისთვის შეეჯიბრნენ. კონკურსის II ეტაპი 3 ივნისს ასევე დისტანციურ რეჟიმში გაიმართა.
იხილეთ ფოტოები:
