წალენჯიხის მუნიციპალიტეტის საჩინოს თემის N2 საჯარო სკოლის პედაგოგები პროფესიულ განვითარებაზე აქტიურად ზრუნავენ. ამ მიზნით მასწავლებლები სხვადასხვა კონფერენციებსა თუ საგანმანათლებლო ღონისძიებებში აქტიურად არიან ჩართულნი.
25 ივნისს, საჩინოს თემის N2 საჯარო სკოლის მასწავლებელმა, ანნა წულაიამ მონაწილეობა მიიღო მასწავლებელთა კონფერენციაში, რომელიც ივანე ჯავახიშვილის სახელობის თბილისის სახელმწიფო უნივერსიტეტში გაიმართა.
კონფერენციის მიზანი იყო სასკოლო და საუნივერსიტეტო ჭრილში საბუნებისმეტყველო საგნების პოპულარიზაცია. კონფერენცია ორგანიზებული იყო თსუ -ს ქიმიის ინგლისურენოვანი პროგრამის და ასოციაციის -„ბიო“ მიერ.
მასწავლებელმა კონკერენციაზე წარადგინა პოსტერი თემაზე - „ბიოლოგიის სწავლების თავისებურებანი მცირეკონტინგენტიან სკოლებში“.
კონფერენციის დროს მოხდა სხვადასხვა საბუნებისმეტყველო საგნების სწავლების საინტერესო მეთოდების გაზიარება. ყველა მონაწილე სერტიფიკატით დაჯილდოვდა.
იხილეთ ფოტოები:
