ვანის მუნიციპალიტეტის სოფელ ტობანიერის საჯარო სკოლის პედაგოგი შორენა ოჩხრიკიძე საგანმანათლებლო-შემეცნებითმა ვებ-გვერდმა - etaloni.ge სასკოლო ცხოვრების, აქტივობა-სიახლეებისა და სასკოლო საზოგადოების წარმოჩენის ეროვნულ საქმეში ნაყოფიერი, ეფექტური და წარმატებული თანამშრომლობისთვის დიპლომებით დააჯილდოვა.

შორენა ოჩხრიკიძე სკოლის სახელის ღირსეულად წარმოსაჩენად etaloni.ge-სთან აქტიურად თანამშრომლობს და ცოდნის პოპულარიზაციის საქვეყნო საქმეში ჩვენს გვერდით დგას.

„უღრმესი მადლობა ასეთი მოულოდნელი სიურპრიზისთვის! წარმატებებს და ნაყოფიერ მუშაობას გისურვებთ! მეხალისება თქვენთან თანამშრომლობა! ყოველთვის გულისხმიერებას იჩენთ და ჩემს მიერ მოწოდებულ არცერთ მასალას არ ტოვებთ ყურადღების მიღმა! ძალიან კარგ საქმეს ემსახურებით! იშვიათად უთმობს მასმედია და სოციალური ქსელები ადგილს განათლების სფეროს, არა და ბავშვებია ჩვენი ქვეყნის მომავალი!  უდიდეს საქმეს ეწევით, სტიმულს აძლევთ სკოლებს იაქტიურონ და თავი გამოიჩინონ, უფრო საინტერესო გახადონ სასკოლო ცხოვრება! უღრმესი მადლობა!“,- გვწერს პედაგოგი.