ჩხოროწყუს მუნიციპალიტეტის სოფელ თაიას საჯარო სკოლაში 2021-2022 სასწავლო წელი ნაყოფიერად და წარმატებით დასრულდა.
საზაფხულო არდადეგებზე სკოლიდან მოსწავლეები სახალისო და შემეცნებითი და საზეიმო აქტივობებით გააცილეს.
სკოლის დამთავრებასთან დაკავშირებით დირექციამ მე-12 კლასს მოუწყო გაცილება თბილ და სასიამოვნო გარემოში, პედაგოგებმა გზა დაულოცეს და წარმატებები უსურვეს თავიანთ უკვე ყოფილ მოსწავლეებს.
დაწყებითი კლასის მოსწავლეებს შორის, სპორტისა და მათემატიკის ინტეგრირებულ გაკვეთილზე, ჩატარდა სპოტულ-გასართობი შეჯიბრი - „მხიარული სტარტები“. შეჯიბრმა საინტერესოდ ჩაიარა. მოსწავლეები მასში ხალისითა და დიდი მოტივაციით ჩაერთნენ.
სკოლაში მოეწყო შემეცნებითი ექსკურსიების კვირეული, რომლის მიზანიც იყო: ქართული ღირსშესანიშნაობების უკეთ გაცნობა და შეყვარება, მასწავლებლებს, მოსწავლეებსა და მშობლებს შორის ურთიერთობების გამყარება და უკეთ თანამშრომლობა.
აღნიშნული კვირეულის ფარგლებში მოსწავლეებს ჩაუტარდათ სახალისო და ინტეგრირებული ღია გაკვეთილები ბუნებაში.
იხილეთ ფოტოები:
